Haweeney Xil sare ka haysay Maamulka Gobolka Banaadir oo galabta la dilay

0
159

Sida ay sheegayan wararka naga soo gaaraya magaalada Muqdisho Gudoomiye kuxigeenkii degmada Yaaqshiid Raxmo Dahir Siyaad ayaa galabta kooxo hubeysan ay ku togteen xaafada Juungal, iyadoo warar aan la xaqiijin ay sheegayaan in kooxihii dilka ka dambeeya la qabtay in kastoo Maamulka Gobolka Banaadir ilaa iyo hadda wax war ah ka soo saarin dilka haweenaydaas.
breaking_news_37595

Haweeneydan ayaa lagu dilay meel ku dhow hoygeeda, waxaana raga ku hubeysan bastooladaha ay rasaas kaga dhifteen qeybaha sare ee jirkeeda, iyadoo goobta ku qudh baxday.

Qof ka mid ah dadka deegaanka ayaa sheegaya in raga dilka ka dambeeyay markii ay baxsadeen ay ku baxeen ciidamo ka tirsan dowladda, lana soo qabtay, hase ahaatee warkaas ayaa ah mid wali aan kala cadeyn.

Gudoomiyaha degmada Yaaqshiid Muxiyadiin Xasan Jurus ayaa xiriiro aan la sameynay ay inoo suura geli weyday, hase ahaatee waxaa la sheegay in isaga iyo Ciidamo uu wato ay gaareen goobtii lagu dilay Haweeneyda kuxigeenka u aheyd.

Dilkan ayaa noqonaya kii u horeeyay noociisa oo Mas’uul xil ka haya degmooyinka Gobolka Banaadir loo geysto, waxaana ay aheyd haweeneyda kaliya ee kuxigeen ka ah maamulada degmooyinka, marka laga reebo Gudoomiyaha degmada Wardhiigley oo ah Haweeney lagu magacaabo Deeqo C/qaadir.

LEAVE A REPLY

Please enter your comment!
Please enter your name here