Sheekh Shariif: “Kama aqbali karno inuu Farmaajo burbur u horseedo Dowladdan, isagoo Boorso wata ayuu dalka yimid..”

0
154

Madaxweynihii hore ee Soomaaliya Shariif Sheekh Axmed ayaa shir jaraa’id ku qabanaya gurigiisa magaalada Muqdisho ayaa ka hadlay socdaalka laga joojiyey inuu ku tago magaalada Kismaayo, isagoo cambaareeyay falkii lagula kacay.

Sheekha oo hoggaamiya Xisbiga Himilo Qaran ayaa caddeeyay inuu aad uga xun yahay xayiraadda lagu soo rogay magaalada Kismaayo, wuxuuna sheegay inuu sharci u leeyahay inuu tago meeshii uu doono dantii uu doono haka lahaadee, Sharciga uu u leeyahay taas, isagoo sharci darro ku tilmaamay tallaabada ay qaadeyso madaxda dowladda Federaalka.
Sheekh Shariif ayaa sheegay in dowladda uu hoggaamiyo madaxweyne Farmaajo inay daba taagan tahay siyaasiyiinta iyo maamul Goboleedyada, Baarlamaankiina la awood tiray, isla markaana meel liidata ay marayaan dhaqaalihii iyo amaanka.

“Aniga waxaan lahaa dowladdan 4-ta sano ha la sugo, laakiin haddii aysan dowladan samir u lahayn inay dadka u ogolaato xuquuqdii asaasiga ahayd.. sidee dowladdan loogu aaminaa doorasho iyo in lala tartamo..?” ayuu yiri Sheekh Shariif oo sheegay in garoonka ay u siman yihiin isaga iyo Farmaajo ama muwaadin kastana uu ka duuli karo oo aysan jirin sabab qof gaara loogu diido.

“Haddii xaaladu noqoto anigaa la i doortay oo wixii aan rabo ayaan sameynaa… Farmaajo isagoo Hotelkaan degan ayaa lagu wareejiyey awoodda, haddii dowladda ay garan weydo sharcigii ay ku dhisneyd… maanta nooma muuqato dowlad loo tanaasulo..” ayuu yiri Sheekh Shariif Sheekh Axmed.

Wuxuu sheegay in dalku ku socdo meel halis ah, ayna halis ku dhowdahay dowladnimada Soomaaliya, wuxuuna soo jeediyey in la isugu yimaado si dowladan looga badbaadiyo dalka. “Waxaan caddeynaa inaan Farmaajo ka aqbali karin inuu burburiyo dowladnimada dhibaatada laga soo maray, isagoo Boorso wata ayuu dalka yimid, anigaana magacaabay, Kheyre waa la mid waxaan leenahay halkaas ku jooji ma aqbaleyno duminta dowladnimada..’ ayuu si kulul u yiri madaxweynihii hore ee Soomaaliya Shariif Sheekh Axmed.

LEAVE A REPLY

Please enter your comment!
Please enter your name here