Boliiska Soomaaliya oo rasaas ku furay Dad ka qeybgalayay kulan Diimeed ka dhacayay Muqdisho

0
230

Wararka laga helayo magaalada Muqdisho ayaa sheegaya in isbuurasho iyo rasaas ay ka dhacday goob lagu qaban lahaa muxaadarada Sheekh Kenyaawi ee magaalada Muqdisho.

Ugu yaraan 3 qof ayaa la xaqiijiyay in ay ku dhaawacmeen Hoolka Sahal oo ku yaalla agagaarka KM4, taasoo keentay in dad fara badan ay dib u laabtaan. Waxaana ciriiri galay isu socodka.

Askari ka tirsan Ciidanka dowladda ayaa xabado furay ka dib markii uu buuxsamay Hoolka ay ka socotay Kulanka Muxaadaradda ah, waxaana ku dhaawacmay ku dhawaad 3 qof .

Muxaadaradii ayaa la sheegay in ay baaqatay, Maadaama dadka ku sugan goobta ay tiro badan yihiin, sidoo kalena ay jiraan dad badan oo banaanka dhooban.

Waxaa la arkayey boqolaal dad ah oo dib u laabanaya iyadoo xaaladu faraha ka baxday

LEAVE A REPLY

Please enter your comment!
Please enter your name here