Taliyaha booliska oo xafiiskiisa ku qaabilay safiirka Turkiga u jooga Soomaaliya,Sawirada

0
83

Taliyaha ciidanka booliska Soomaaliya Sareeyo Gaas Maxamed Sheekh Xasan Xaamud oo xafiiskiisa ku qaabilay Safiirka Turkiga u fadhiya Soomaaliya Danjire Olgen Baker oo hambalyo uga siday dhigiisa dalka Turkiga ayaa sheegay in ay ka wada hadleen sidii loo dar dar gelin lahaa xiriirka labada dhinac, gaar ahaan tan ciidamada booliska Soomaaliya iyo Turkiga, iyo sidii ciidamada booliska looga caawin lahaa xagga tababarada iyo qalabeyntooda.
Taliyaha booliska ayaa tilmaamay in safiirka uu ka guddoomay dhambaalka uu uga siday dhigiisa dalka Turkiga, isla markaana ay isla meel dhigeen xoogga saarayaan sidii ciidanka booliska ay u heli lahaayeen tababaro.

“Waxaan maanta xarunta taliska booliska aan ku qaabilnay safiirka Turkiga u fadhiya dalka, Danjire Olgen Baker, waxa uu dhambaal iiga siday dhigeyga dalka Turkiga, runtii xiriirka labada ciidan boolis, horey ayuu u jiray, waxaana ka wada hadalnay sidii loo dar dar gelin lahaa, aniga waxaan qorsheynayaa inaan dib u soo bilowno, ciidanka booliska waa ciidanka ugu faca weyn ee dalka, tani waxa ay qeyb ka tahay sidii dalalka daneynayaa arrimaha Soomaaliya, aan kala kaashano sidii loo tayayn lahaa ciidanka booliska oo ay u heli lahaayeen tababaro kala duwan” ayuu yiri Taliyaha booliska.
20150726_153442_resized 20150726_140747_resized 20150726_140839_resized 20150726_141543_resized 20150726_151636_resized 20150726_151924_resized

LEAVE A REPLY

Please enter your comment!
Please enter your name here